Jaqında Saudiya Arabstanı Patshalıǵınıń «An-Nahar» basılımı ÓzAnıń xabarshısı Muharamma Pirmatovanıń «Ózbekstanda 2025-jıl – Qorshaǵan ortalıqtı qorǵaw hám «jasıl» ekonomika jılı» temasındaǵı maqalasın basıp shıǵardı.

Maqalada Prezidentimiz 2025-jıldı elimizde «Qorshaǵan ortalıqtı qorǵaw hám «jasıl» ekonomika jılı» dep ataǵanı Jańa Ózbekstanda ana tábiyattı saqlaw hám ekologiyalıq turaqlılıqtı támiyinlewge qaratılıp atırǵan joqarı itibardıń ámeldegi jáne bir kórinisi bolǵanı atap ótilgen.
Sonday-aq, usı jılı ámelge asırılatuǵın tiykarǵı wazıypalardı óz ishine qamtıp alǵan áhmiyetli hújjet – «Ózbekstan-2030» strategiyasın «Qorshaǵan ortalıqtı qorǵaw hám «jasıl» ekonomika jılı»nda ámelge asırıw boyınsha Mámleketlik baǵdarlama hám onı tastıyıqlaw haqqındaǵı párman joybarı boyınsha házirgi kúnlerde keń jámiyetshiliktiń dodalawı bolıp atırǵanına itibar qaratılǵan.
Avtor Mámleketlik baǵdarlama joybarı «Ózbekstan-2030» strategiyasında názerde tutılǵan wazıypalar tiykarında islep shıǵılǵanına itibar qaratqan.
2025-jıldıń Mámleketlik baǵdarlaması joybarında 295 ámeliy ilaj, 87 normativlik-huqıqıy hújjet joybarı, sonday-aq, 269 maqsetli kórsetkishler názerde tutılǵanı, sonday-aq, hújjet penen qorshaǵan ortalıqtı qorǵaw baǵdarında ministrlik hám uyımlar tárepinen birinshi gezekte ámelge asırılıwı zárúr bolǵan ilajlar, qorshaǵan ortalıqtı qorǵaw boyınsha xalıqaralıq birge islesiw baǵdarında wazıypalardı ámelge asırıw rejesi hám «Jasıl turizm» baǵdarlamasın ámelge asırıw ilajlarınıń rejesi tastıyıqlanıwı kútilip atırǵanın atap ótken.

ÓzA