Búgin, 2025-jıl 23-yanvar kúni Tashkent qalasında Ózbekstan Respublikası Oliy Majlisi Senatınıń úshinshi jalpı májilisi óz jumısın basladı.

Onda Senat hám húkimet aǵzaları, ministrlikler hám uyımlardıń basshıları, ǵalaba xabar qurallarınıń wákilleri qatnaspaqta.
Senat Baslıǵı Tanzila Norboeva basqarıp atırǵan májilis videokonferencbaylanıs sistemasınan paydalanǵan halda ótkerilmekte. Májilis processleri Senattıń YouTube tarmaǵındaǵı rásmiy beti arqalı onlayn sáwlelendirilmekte.
Májiliste «Investiciyalar hám investiciya jumısı haqqında»ǵı, «Azıq-awqat qáwipsizligi haqqında»ǵı, «Mikroqarjılandırıw jumısın jetilistiriliwi múnásibeti menen Ózbekstan Respublikasınıń ayırım nızam hújjetlerine qosımshalar menen ózgerisler kirgiziw haqqında»ǵı hám «Banklerdegi amanatlardı qorǵaw kepilikleri haqqında»ǵı nızamlar dodalanadı.
Sonıń menen birge, «Еkonomikalıq jınayatlarǵa qarsı gúresiw sistemasınıń jetilistiriliwi múnásibeti menen Ózbekstan Respublikasınıń ayırım nızam hújjetlerine ózgerisler menen qosımshalar kirgiziw haqqında»ǵı hám «Mámleketlik bajı haqqında»ǵı Ózbekstan Respublikası nızamına qosımshalar menen ózgerisler kirgiziw haqqında»ǵı nızamlar da kórip shıǵıladı.
Sonday-aq, senatorlar janlı atqarıw kórkem ónerin jáne de rawajlandırıw, jas óspirimler arasında huqıqbuzarlıqlar profilaktikası sistemasın jetilistiriw, shaxstıń huqıqları menen erkinliklerin isenimli qorǵaw kepilliklerin jáne de kúsheytiw hám alkogol hám temeki bazarın tártipke salıw sistemasın jetilistiriwge qaratılǵan bir qatar nızamlardı da kórip shıǵıwdı rejelestirgen.
Bunnan tısqarı, «Еkologiyalıq ekspertiza, qorshaǵan-ortalıqqa tásirdi bahalaw hám strategiyalıq ekologiyalıq bahalaw haqqında»ǵı, «Ózbekstan Respublikasınıń Miynet kodeksine ózgerisler menen qosımshalar kirgiziw haqqında»ǵı, «Ózbekstan Respublikasınıń «Ózbekstan Respublikasında xızmet kórsetken ekolog» húrmetli ataǵın engiziw haqqında»ǵı, «Ózbekstan Respublikasınıń ayırım nızam hújjetlerine ózgerisler menen qosımshalar kirgiziw haqqında»ǵı hám «Ózbekstan Respublikası puqaraların, sırt el puqaraların hám puqaralıǵı bolmaǵan shaxslardı jasaw ornı hám turǵan ornı boyınsha dizimnen ótkeriw haqqında»ǵı nızamlar da jalpı májilis kún tártibinen orın alǵan.
«Ózbekstan Respublikası menen Tájikstan Respublikası arasında awqamlaslıq qatnasıqları haqqındaǵı Shártnamanı (Dushanbe, 2024-jıl, 18-aprel) ratifikaciyalaw haqqında»ǵı, «Íssıxana gazleriniń shıǵarılıwın sheklew haqqında»ǵı nızamlar hám Senat kengashiniń qararların tastıyıqlaw haqqındaǵı másele de kórip shıǵıladı.
Jalpı májiliste dodalanatuǵın barlıq máselelerdi tolıq sáwlelendirip baramız. Bizdi baqlap barıń!

N.Abduraimova,
N. Haydarov (súwret), ÓzA