Qaraqalpaqstan Respublikası Joqarǵı Keńesi tárepinen tastıyıqlanǵan rejege tiykarlanıp Xalıq deputatları Beruniy rayonlıq Keńesi deputatları ushın oqıw-seminar shólkemlestirildi.

Oqıw-seminarın Xalıq deputatları Beruniy rayonlıq Keńesi sekretariyatınıń baslıǵı B.Seytimov alıp bardı. Deputatlar tárepinen 5 jıl dawamında ámelge asırılıwı kerek bolǵan wazıypalar belgilep alındı.
Seminarda Ózbekstan Xalıq demokratiyalıq partiyası Qaraqalpaqstan Respublikalıq Keńesiniń baslıǵı X.Eshimbetov, Isbilermenler háreketi Ózbekstan Liberal demokratiyalıq partiyası Qaraqalpaqstan Respublikası Keńesi baslıǵınıń orınbasarı B.Adilchaev, Ózbekstan «Milliy tiklanish» demokratiyalıq partiyası Qaraqalpaqstan Respublikalıq Keńesi baslıǵınıń orınbasarı A.Wrinbaev, Ózbekstan “Adolat” sociallıq-demokratiyalıq partiyası Qaraqalpaqstan Respublikalıq Keńesi baslıǵınıń orınbasarı R.Otarbaev hám Xalıq deputatları Beruniy rayonlıq Keńesi deputatları, rayonnıń siyasiy partiyalar hám ǵalaba xabar qurallarınıń wákilleri qatnastı.
Oqıw-seminarında 2025-jıl dawamında ámelge asırılatuǵın jumıslar, orınlarda xalıq penen ushırasıwlar, deputatlıq sorawlar hám bul jumıslardı mánzilli, sistemalı shólkemlestiriw wazıypaları belgilendi. Sonday-aq, xalıqtıń wákili bolǵan deputatlardıń jumısın ǴXQ da sáwlelendiriw, múrájatlerdi orınlarǵa barıp úyreniw sıyaqlı máseleler haqqında sóz etildi.

Qaraqalpaqstan xabar agentligi