«Normativlik-huqıqıy hújjetler joybarlarınıń ilimiy tiykarlanǵanlıq dárejesin arttırıw ilajları haqqında»ǵı Húkimet qararı qabıl etildi.

Qararǵa bola, normativlik-huqıqıy hújjetler joybarları tómendegishe ilimiy ekspertizadan ótkeriledi:
– nızam joybarları boyınsha – tiyisli tarawdaǵı mámleketlik ekspertlik ilimiy-izertlew mákemeleri tárepinen erkin tiykarda;
– nızamnan kelip shıǵatuǵın hújjetlerdiń joybarları boyınsha – tiyisli tarawdaǵı mámleketlik ekspertlik ilimiy-izertlew mákemeleri hám mámleketlik joqarı bilimlendiriw mákemeleri tárepinen kelisim tiykarda.
Onda, normativlik-huqıqıy hújjet joybarın ilimiy ekspertizadan ótkeriw nátiyjeleri boyınsha juwmaq usınıslıq ózgeshelikke iye bolıp, juwmaqlawshı joybardı islep shıǵıwshı shólkem tárepinen kórip shıǵıladı.
Joybardı islep shıǵıwshı shólkem ilimiy ekspertiza juwmaǵında kórsetilgen, kelispewshilikler hám pikir-usınıslar yamasa olardıń bir bólegin inabatqa almaǵan jaǵdayda olar boyınsha tiyisli túsinikler berilgen halda kelispewshilikler kestesin tayarlaydı.
Ádillik ministrligi tárepinen Normativlik-huqıqıy hújjetler joybarların islep shıǵıw hám kelisiwdiń birden-bir elektron sistemasında normativlik-huqıqıy hújjetler joybarların ilimiy ekspertizadan ótkeriwshi tiyisli mákemeler hám mámleketlik joqarı bilimlendiriw mákemeleriniń elektron reestri alıp barıladı.
Normativlik-huqıqıy hújjetler joybarlarınıń ilimiy ekspertizasınıń nátiyjeleri boyınsha Normativlik-huqıqıy hújjetler joybarların islep shıǵıw hám kelisiwdiń birden-bir elektron sisteması arqalı juwmaq beriledi.

ÓzA