Kegeyli rayonında Qaraqalpaqstan Respublikası Joqarǵı Keńesiniń Agrar,suw xojalıǵı, tábiyattı qorǵaw hám ekologiya máseleleri boyınsha komiteti baslıǵı A. Jumanazarov hám rayon hákimi A.Kamalovtıń basshılıǵında awıl xojalıǵı tarawı juwapkerleri hám fermer xojalıqları basshılarınıń qatnasıwında ushırasıw ótkerildi.

Ushırasıwda Ózbekstan Respublikası Prezidentiniń elimizde, sonıń ishinde Qaraqalpaqstanda awıl xojalıǵı tarawın rawajlandırıw hám diyqan-fermerlerdi qollap-quwatlaw boyınsha qabıl etilgen párman hám qararlarında kórsetilgen jeńillikler atap ótildi.
Sonday-aq, fermer xojalıqlarına egislik maydanlardıń shetlerin tazalaw, texnikalardı egiske tayarlaw, shor juwıw jumısların óz waqtında ámelge asırıw boyınsha kórsetpeler berilip, bul jumıslardı orınlawda fermerlerge jaqınnan járdem beriw maqsetinde taraw basshılarına anıq tapsırmalar berildi.
Ilajda fermerler tárepinen taraw basshılarına bir qatar sorawlar berilip, olarǵa juwap aldı.

Adilbay Orazov,
Qaraqalpaqstan xabar agentligi sholıwshısı