Xalıqtıń mashqalaların úyreniw hám sheshiw, jumıssızlıq hám kámbaǵallıqtı qısqartıw, tańlap alınǵan máhállelerde «Abat shańaraq-abat kóshe-abat máhálle» normaların engiziw, kámbaǵallıqtan abadan turmısqa qaray baǵdarlaması tiykarında ámelge asırılıp atırǵan jumıslardı úyreniw maqsetinde, Ózbekstan Respublikası Prezidenti Administraciyası tárepinen dúzilgen arnawlı jumısshı topar wákili B.Saidkosimov Taxtakópir rayonında bolıp, rayon hákimi J.Adilov hám rayonlıq Xalıq qabıllawxanası baslıǵı A.Djumaniyazovlar aymaq turǵınları menen jeke qabıllawın ótkerdi.

Qabıllaw dawamında puqaralardıń bántlik, turaq jayın ońlaw, materiallıq hám medicinalıq járdem, ishki jol hám basqa da túrli turmıslıq mashqalaları boyınsha múrájatleri tıńlandı.
Bildirilgen múrájatlerdiń ayırımları sol jerdiń ózinde sheshimin tawıp, úyrenip shıǵılıwı ushın waqıt talap etetuǵın máseleler boyınsha juwapker qánigelerge tapsırmalar berildi.

Adilbay Orazov,
Qaraqalpaqstan xabar agentligi sholıwshısı