Mámleketimizde jol infrastrukturasın jaqsılaw boyınsha alıp barılıp atırǵan keń kólemli jumıslar sheńberinde ishki jollar da itabardan shette qalıp atırǵanı joq. Atap aytqanda, Respublikamız aymaǵında ótken 2024-jıl dawamında 905 km den aslam ishki jollarǵa qum-shaǵıl tas aralaspası tóselip, xalıqtıń jollardan paydalanıwında qolaylı imkaniyatlar jaratıldı. Bul kórsetkish Shımbay rayonı aymaǵında 63.9 kilometrdi qurap, usınday iygilikli jumıslar búgingi kúnde de dawam etpekte. Atap aytqanda, rayonnıń Kókshi qala MPJ aymaǵındaǵı J.Qarakulov kóshesiniń 820 metr bólegine qum- shaǵıl tas aralaspası tóselmekte. Bul jumıslarǵa 6 dana arnawlı texnika, 5 jumısshı qatnasıp, xalqımızdıń alısın jaqın, awırın jeńil etiw ushın xızmet etpekte.

Qaraqalpaqstan xabar agentligi