Xojeli rayonında awıl xojalıǵı tarawına baylanıslı kórgizbeli seminar bolıp ótti.

Oǵan, Qaraqalpaqstan Respublikası Ministrler Keńesi Baslıǵınıń Awıl hám suw xojalıǵı máseleleri boyınsha orınbasarı Sh.Teshaev, rayon hákimi J.Ermashev hám taraw juwapkerleri qatnastı. Sózge shıqqanlar Prezidentimizdiӊ 2024-jıl 30-dekabrdegi “Awıl xojalıǵı maydanlarındaǵı qosımsha imkaniyatlardan paydalanǵan halda ónim jetistiriwdi kóbeytiwge baylanıslı ilajlar haqqında”ǵı qararı talaplarınıӊ orınlanıwı boyınsha keń túrde toqtap ótti. Atap aytqanda, atız shetlerine, kanallar, kollektor-drenaj tarmaqları átirapındaǵı maydanlarǵa eksportqa qolaylı eginlerdi egiw wazıypa etip belgilenip alındı. Sonday-aq, qarar talapları tiykarında atız shetlerine hár jılı 1-aprelge shekem eginler egilmegen hám jıl dawamında ónim jetistirilmegen jaǵdaylar anıqlansa barlıq egislik maydanına úsh ese salıq esaplanatuǵınlıǵı, dala shetlerin ekilemshi ijaraǵa alǵan ijarashılarǵa Agroinspekciya tárepinen bazalıq esaplaw muǵdarınıń 10 esesine shekem járiyma qollanılatuǵını hám awıl xojalıǵı tarawına ajıratılǵan jeńilletilgen kreditler toqtatılǵanlıǵı qatań túrde túsindirildi.

Qaraqalpaqstan xabar agentligi