Amerikanıń «Apple» korporaciyası izbe-iz ekinshi jıl dúnyadaǵı eń qımbat brendke aylandı. Bul haqqında «Brand Finance Global» málim etpekte.

Atap ótiliwinshe, «Apple» brendiniń bahası jıl dawamında 11 procentke artıp, 574,5 milliard dollardı quraǵan.
Reytingte ekinshi orındı «Microsoft», úshinshi orındı «Google», tórtinshi orındı bolsa «Amazon» iyeledi. Sonday-aq, eń qımbat brendler onlıǵına “Samsung”, “Tik Tok”, “Facebook”, “Nvidia” hám Qıtaydıń “State Grid Corporation of China” sıyaqlı kompaniyalar kirgizildi. “Deutsche Telekom” ulıwmalıq reytingte 11-orındı iyelep, Evropanıń eń qımbat brendi sıpatında tán alındı.
“Brand Finance Global” maǵlıwmatlarına bola, dúnyadaǵı eń qımbat 500 brendtiń ulıwma bahası ótken jıl dawamında 10 procentke ósip, derlik 9,5 trillion dollardı quraǵan.

G.Sattorova, ÓzA