22-yanvar kúni Ózbekstan qorǵanıw ministri general-mayor Sh.Xolmuhamedov rásmiy sapar menen kelgen Rossiya qorǵanıw ministri Andrey Belousov penen ushırastı.

Qorǵanıw ministrligi oraylıq apparatında ótkerilgen eki tárepleme birge islesiw ushırasıwında general-mayor Sh.Xolmuhamedov delegaciya aǵzaların Ózbekstanǵa shólkemlestirgen saparı menen qutlıqlap, Ózbekstan hám Rossiya arasında kóplegen tarawlarda alıp barılıp atırǵan birge islesiw jumısları baylanısların jáne de bekkemlewge xızmet etip atırǵanın atap ótti.
Ushırasıwlarda delegaciya basshısı menen Ózbekstan-Rossiya birge islesiwiniń qorǵanıw tarawındaǵı házirgi jaǵdayı hám onı rawajlandırıw perspektivaları dodalandı.
Ushırasıw sońında qorǵanıw ministrleri tárepinen Rossiya hám Ózbekstan qorǵanıw ministrlikleri arasındaǵı 2025-jılǵa mólsherlengen birge islesiw rejesi, sonıń menen birge Ózbekstan hám Rossiya arasında 2026-2030-jıllarǵa mólsherlengen áskeriy tarawdaǵı strategiyalıq birge islesiw baǵdarlamasına qol qoyıldı.
Rásmiy qabıllawdan soń Rossiya Federaciyası qorǵanıw ministri Andrey Belousov basshılıǵındaǵı áskeriy delegaciya wákilleri «Jeńis parki» estelik kompleksine barǵan.

Qaraqalpaqstan xabar agentligi