Túrkiya prezidenti 22-yanvar sánesin matam kúni dep járiyaladı. Buǵan mámlekettiń Bolu wálayatındaǵı Kartalkaya taw-shańǵı kurortında shiyshembige óter túnde kelip shıqqan órt nátiyjesinde kóplegen insanlardıń qaytıs bolıwı sebep bolǵan.

Házirgi kúndegi jaǵdayǵa bola, órt qurbanlarınıń sanı 76 ǵa jetken.
Mámleket IIM basshısı Ali Erlikayanıń málim etiwinshe, bul órt boyınsha 9 adam , sonıń ishinde miymanxana iyesi de qolǵa alınǵan.
Waqıya júz bergen kúni miymanxanada jámi 234 miyman dizimnen ótkenin esletip ótemiz. Wálayat gubernatorlıǵı olardıń barlıǵı Túrkiya puqaraları ekenligin bildirdi. Órt sebepleri házirshe málim emes.

ÓzA