Usı jılı 20-yanvarda “Cyber university” mámleketlik universitetin shólkemlestiriw haqqında»ǵı Ózbekstan Respublikası Prezidenti qararı qabıl etildi.

Qararǵa bola, universitettiń tiykarǵı wazıypaları etip tómendegiler belgilenbekte:
-málimlemeni qorǵaw, málimleme hám kiberqáwipsizlik, sanlı texnologiyalar hám sanlı ekonomika, jasalma intellektke tiykarlanǵan avtomatlastırılǵan málimleme-tallaw sistemaların jaratıw, robototexnika hám basqa túrdegi tarawlar boyınsha kadrlar tayarlaw;
-sanlı texnologiyalar tarawında qánigelerdi qayta tayarlaw hám mamanlıǵın arttırıw;
-oqıw procesin aldıńǵı sırt el tájiriybesi hám zamanagóy bilimlendiriw texnologiyaları tiykarında shólkemlestiriw hám ashıq málimleme-bilimlendiriw ortalıǵınıń rawajlanıwına járdemlesiw;
-jaslardıń bilim alıwı hám kásip iyelewine qosımsha sharayatlar jaratıw, mámleketlik uyımlar, kárxanalar hám basqa shólkemlerdi kadrlar menen támiyinlewde tanlap alıw hám qamtıp alıwdı keńeytiw;
-oqıw hám ilimiy joybarlardı ámelge asırıwda jetekshi respublikalıq hám sırt el joqarı bilimlendiriw hám ilimiy-izertlew shólkemleri, sanlı texnologiyalar islep shıǵarıwshılar hám tutınıwshılar, basqa tarawlıq kárxanalar menen birge islesiw;
-tiyisli bilimlendiriw baǵdarları hám qánigelikleri boyınsha oqıw-metodikalıq ádebiyatlardı jaratıw, studentler hám qánigelerdi keńnen tartqan halda fundamental, ilimiy hám ámeliy izertlewler alıp barıw.

ÓzA