«Toqımashılıq hám tigiw-trikotaj sanaatında qayta islew shınjırın rawajlandırıw boyınsha qosımsha ilajlar haqqında»ǵı Prezident pármanı qabıl etildi.

Pármanǵa bola, 2025-2027-jılları toqımashılıq hám tigiw-trikotaj sanaatında qayta islew shınjırın rawajlandırıwdıń tiykarǵı maqsetli kórsetkishleri etip tómendegiler belgilendi:
– ónimler eksportın 2025-jılı 4,0 milliard AQSh dollarına, 2026-jılı 5,0 milliard AQSh dollarına hám 2027-jılı 7,0 milliard AQSh dollarına jetkeriw;
– AQSh hám Evropa mámleketleri bazarlarına tayar ónimler eksportın 500 million AQSh dollarına jetkeriw;
– aldıńǵı texnologiyalar hám zamanagóy dizaynerlik qollanbaların keńnen engiziw hám xalıqaralıq brendlerdi tartıw arqalı jámi eksportta tayar tigiw-trikotaj ónimleriniń úlesin 70 procentke jetkeriw;
– iyirilgen jipti tereń qayta islewdi jáne de rawajlandırıw maqsetinde 5,0 milliard AQSh dolları muǵdarında sırt el investiciyaların hám kreditlerin tartıw.
Toqımashılıq tarmaǵında qayta islewdi tereńlestiriw ushın qolaylı qarjı sharayatların jaratıw maqsetinde belgilengen qollap-quwatlaw mexanizmleri engiziledi.
Jergilikli ónim hám brendlerdi xalıqaralıq «marketpleys»lerde úgit-násiyatlaw, jaylastırıw hám reklama etiw boyınsha «Made in Uzbekistan» baǵdarlaması ámelge asırıladı.
«Sawdanı rawajlandırıw kompaniyası» AJ janında faktoring shólkemi shólkemlestiriledi.

ÓzA