Kúni keshe rásmiy prezidentlik jumısın qayta baslaǵan Donald Tramp Amerika Qurama Shtatları Jáhán densawlıqtı saqlaw shólkemi – JDSSh quramınan shıǵıwı haqqındaǵı pármanǵa da qol qoydı.

Mámleket basshısı usı qararına sebep sıpatında JDSSh COVID-19 pandemiyası hám basqa xalıqaralıq kólemdegi tiyisli krizislerge ulıwma durıs múnásibette bolmaǵanın keltirgen.
– Donald Tramp JDSSh «Shólkemge aǵza mámleketlerdiń artıqsha siyasiy tásirinen erkin háreket ete almaǵanı hám Qurama Shtatlardan Qıtay sıyaqlı mámleketler usınıs etken muǵdarǵa sáykes emes, ádilsiz hám awır tólemler talap etkeni»n atap ótti, dep jazdı «Reuters».
– Dúnya salamatlıǵı bizdi aldadı, hámme AQShtı aldamaqta, – dep qosımsha etken Tramp. Bul basqa qaytalanbaydı.
Bul qádem AQSh 12 ay ishinde BMSh Densawlıqtı saqlaw agentligi quramınan shıǵıwı hám strukturaǵa qosıp atırǵan hár qanday qarjılay úlesin toqtatıwın ańlatadı.
JDSSh qárejetiniń shamalap 18 procentin qaplap kelgen AQSh házirge shekem shólkemniń eń iri qarjılandırıwshı birge islesiwshisi edi. Jámááttiń 2024-2025-jıllarǵa mólsherlengen sońǵı eki jıllıq byudjeti 6,8 milliard dollarǵa teń.
Bir neshe ishki hám sırtqı ekspertlerdiń pikirine bola, AQShtıń ketiwi shólkemdegi baǵdarlamalar, ásirese, tuberkulez, AIV/AIJS sıyaqlı kesellikler menen baylanıslı túrli ayrıqsha jaǵdaylardı muwapıqlastırıwda qáwip tuwdırıwı múmkin.

G.Sattorova, ÓzA