Chempionlar Ligasınıń 7-turınan orın alǵan «PSJ»—«Manchester Siti» oyını aldınan Angliya chempionınıń bas treneri Xosep Gvardiola komandaǵa jańadan qosılǵan oyınshılar Abduqodir Husanov hám Reys haqqında óziniń pikirlerin bildirdi.

-Komandamızǵa qosılǵan oyınshılarǵa «Siti» shańaraǵına xosh kelipsiz deymen. Olardıń klubqa qosılǵanınan quwanıshlıman. Olar jas oyınshılar, kóp jıllar dawamında komandamızda bolıwı rejelestirilgen.
Husanov Franciyada oynaǵan. Ol ájayıp fizikalıq kórsetkishlerge iye. Onıń inglis tilin ilajı barınsha tezirek úyrenip alıwına úmit etemiz. Reys bolsa, braziliyalı ájayıp jas futbolshı.
Olar Chempionlar ligasında 1/8 final basqıshına shıqqanımızdan soń bizlerge járdem beredi. APLda bolsa, olar házirden baslap oynaw imkaniyatına iye», deydi bas trener.
Maǵlıwmat ushın aytıp ótiwimiz kerek, «PSJ»—«Manchester Siti» ushırasıwı búgin 22- yanvar kúni bolıp ótedi.

Adilbay Orazov,
Qaraqalpaqstan xabar agentligi sholıwshısı