Isbilermenlikke itibar jıldan-jılǵa artıp barmaqta. Sebebi, isbilermenlik xalıqtıń turmıs sharayatın jaqsılaw, abadanlıǵın arttırıw ushın áhmiyetli baǵdar bolıp esaplanadı. Beruniy rayonında da xalıqtı isbilermenlikke keńnen tartıw baǵdarında bir qansha jumıslar ámelge asırılmaqta.

Beruniy rayonı hákiminiń orınbasarı, investiciya hám sırtqı sawda bólimi baslıǵı Sh.Kenjaev hám rayondaǵı isbilermenler Ferǵana wálayatı Úshkópir rayonındaǵı óndiris hám isbilermenlik jumısı menen tanısıp, joybarlardı Beruniy rayonında da engiziw boyınsha pikir alıstı.
Kafel, gipsakarton, kabel islep shıǵarıw zavodlarınıń jumısı menen tanıstı. Sonday-aq, un zavodtaǵı zamanagóy texnologiyalardıń islew procesin baqladı. Aymaqtaǵı Qıtaylı investorlar menen sáwbetlesiw dawamında «Qaraqalpaqstanda biznes isleń» baǵdarlaması sheńberinde Beruniy rayonında investiciyalıq joybarlardı ámelge asırıw boyınsha kelisip aldı.

Qaraqalpaqstan xabar agentligi