Mámleketimiz basshısı óziniń xatında Donald Tramptıń jańa múddettegi xızmeti dawamında AQShtıń xalıqaralıq maydandaǵı abırayı hám mártebesi, ekonomikalıq qúdireti hám potencialı, global kólemdegi ornı hám áhmiyeti jáne de artıwına isenim bildirdi.

Ózbekstan AQShtıń mámleketimiz ǵárezsizligi, suvereniteti hám aymaqlıq pútinligin turaqlı qollap-quwatlawǵa qaratılǵan siyasatın joqarı bahalaydı hám ayrıqsha qádirleydi.
«Siziń birinshi Prezidentlik dáwirińizde Ózbekstan-AQSh arasında jańa dáwirdegi strategiyalıq sheriklik baylanısları ornatılǵanın hám kóp táreplemeli baylanıslarımız joqarı basqıshqa kóterilgenin atap ótiwdi qáler edim. Biz bunnan keyin de eki hám kóp tárepleme platformalar sheńberinde uzaq múddetli birge islesiwimizdi jáne de rawajlandırıwdan mápdarmız»,
-delinedi Prezidentimiz xatında.
Sonday-aq, Shavkat Mirziyoev Donald Tramptı sapar menen Ózbekstanǵa keliwge mirát etti.