Tashkenttegi Respublikalıq olimpiada hám paraolimpiada sport túrlerine tayarlaw orayında oqıwshılar ushın dástúriy qısqı attestaciya baslandı.

Onda oraydaǵı barlıq sportshılardıń yarım jıllıq múddette erisken nátiyjeleri, sabaq hám shınıǵıwlardı ózlestiriw kórsetkishleri talqılanıp, múnásipleri saylap alınbaqta.
Processlerdi ata-analar da tikkeley baqlaw imkaniyatına iye. Bul jaǵday processlerdiń ashıq-aydınlıǵın támiyinleydi. Trenerlerdiń aldına oqıwdan shetletilgenlerdiń ornına, potencialı joqarı talabanlardı alıw, bir sóz benen aytqanda selekciya jumısların durıs jolǵa qoyıw máselesi qoyılmaqta.
Sonday-aq, bir qatar sportshılar hám olardıń ata-analarına minnetdarshılıq xatı tapsırıldı.

Qaraqalpaqstan xabar agentligi