«2025-jılı xalıqtıń bántligin támiyinlew hám kámbaǵallıqtı qısqartıw ilajları haqqında»ǵı Prezident qararı qabıl etildi.
Qararǵa bola, 2025-jılı xalıqtı dáramatlı miynet penen támiyinlew baǵdarlaması hám onıń sheńberinde maqsetli kórsetkishler tastıyıqlandı.

2025-jılǵı Baǵdarlamanıń orınlanıwı sheńberinde 5,2 million xalıqtı jumıs penen bánt etiw hám dáramatlı miynet penen támiyinlew maqsetinde ayırım shólkemler juwapker etip belgilendi.
2025-2026-jılları Namangan, Tashkent, Xorezm hám basqa wálayatlarda qusshılıq tarawında kooperaciya sistemasında zamanagóy soyıw kárxanaları (sallaqxanalar) hám muzlatqıshlı qoymaxanalar, ónimler hám shıǵındılardı qayta islew, násilli shójeler jetistiriw hám qus ónimlerin islep shıǵarıw quwatlıqların óz ishine alǵan tayar biznes joybarları ámelge asırıladı.
2025-jılı kámbaǵal shańaraq perzentlerin tartqan halda:
– 20 mıń gektar toǵay fondı jerlerinde sanaatqa qolaylı, sayamanlı hám miyweli terek túrlerinen ibarat toǵaylar jaratıw, nálxanalar shólkemlestiriw hám dárilik ósimlikler jetistiriw joybarları ámelge asırıladı;
– jámi 100 gektar jer uchastkalarında brussonetiya teregin jetistiriw boyınsha pilot joybarları ámelge asırıladı.
2025-jıl 1-iyulden «Еkobelsendi puqara» platformasına ózi ekken teregi haqqında maǵlıwmatlar kirgizgen kámbaǵal shańaraqlardıń aǵzalarına toǵay fondı jerlerinde egilgen hár 100 terek ushın BEMniń 1 esesi muǵdarında subsidiya ajıratıladı.

ÓzA