Eki márte Olimpiada chempionı Bahodir Jalolov 6-fevral kúni Kanadanıń Monreal qalasında óziniń professional bokstaǵı gezektegi ushırasıwın ótkeredi.

Sol kúni oǵan franciyalı Devid Spilmont qarsılas boladı. Jalolov bul bellesiwge eki hápteden sál kóbirek waqıt qalǵanında AQShqa jetip bardı.
Maǵlıwmat ushın aytatuǵın bolsaq, Bahodir Jalolov prof bokste búgingi kúnge shekem 14 bellesiwge qatnasıp, olardıń barlıǵında óz qarsılasların jeńip shıǵıwǵa miyasar boldı. Atap aytqanda, ol eń sońǵı bellesiwin 2023-jıldıń 17-noyabr kúni Tashkentte Qubla Afrika Respublikası Kris Tompsonǵa qarsı ótkerip, onı dáslepki raund-aq nokautqa ushıratqan edi.
Al, onıń bolajaq qarsılası Devid Spilmont bolsa, usı kúnge shekem 25 bellesiwge shıǵıp, sonıń 16 sında jeńiske erisken hám 8 bellesiwde jeńiliske ushıraǵan. Bir bellesiw teńbe-teń esapta juwmaqlanǵan.

Adilbay Orazov,
Qaraqalpaqstan xabar agentligi sholıwshısı