Xalıqtıń mashqalaların úyreniw hám sheshiw, jumıssızlıq hám kámbaǵallıqtı qısqartıw, tańlap alınǵan máhállelerde “Abat shańaraq-abat kóshe-abat máhálle” normaların engiziw, kámbaǵallıqtan abadan turmısqa qaray baǵdarlaması tiykarında ámelge asırılıp atırǵan jumıslardı úyreniw maqsetinde, Ózbekstan Respublikası Prezidenti Administraciyası tárepinen dúzilgen arnawlı jumısshı topar wákilleri I.Shirinov hám G.Kuldoshevlar Kegeyli rayonında bolıp, sektor basshıları, hákim orınbasarları hám tiyisli taraw basshıları menen ushırasıp, sáwbetlesiwler alıp bardı.

Sáwbetlesiw dawamında, rayonda xalıqtıń múrájatleri menen islesiw, olardıń unamlı sheshimine erisiw boyınsha ámelge asırılǵan jumıslardıń nátiyjesi kórip shıǵıldı. Sonday-aq, rayonda xalıqtıń bántligin támiyinlew boyınsha belgilep alınǵan arnawlı baǵdarlamalardıń ámelge asırılıwı, sektorlardıń jumısları, jaslar menen islesiw baǵdarındaǵı ilajlar boyınsha juwapkerlerden maǵlıwmatlar alındı.
Úyreniwler dawamında jumısshı topar aǵzaları Júzimbaǵ awıl puqaralar jıyını aymaǵında ándijanlı isbilermen tárepinen boy tiklep atırǵan qusshılıq fabrikasınıń qurılısı menen tanıstı.
Bul jerde isbilermen menen sáwbetlesip, jumıs babında ushırasıp atırǵan mashqalaların tıńladı.
Bunday úyreniw jumısları respublikamızdıń basqa aymaqlarında da dawam etpekte.

Adilbay Orazov,
Qaraqalpaqstan xabar agentligi sholıwshısı