20-yanvar kúni Oliy Majlis Senatı Kengashiniń májilisi bolıp ótti. Májilisti Senat Baslıǵı Tanzila Norboeva alıp bardı.
Onda Senattıń úshinshi jalpı májilisin 2025-jıl 23-yanvar kúni shaqırıw haqqında qarar qabıl etildi.

Atap ótilgenindey, videokonferencbaylanıs sistemasınan paydalanǵan halda ótkeriletuǵın jalpı májiliste bir qatar nızamlardı dodalaw názerde tutılǵan.
Atap aytqanda, «Investiciyalar hám investiciya jumısı haqqında»ǵı, «Azıq-awqat qáwipsizligi haqqında»ǵı, «Mikroqarjılandırıw jumısınıń jetilistiriliwi múnásibeti menen Ózbekstan Respublikasınıń ayırım nızam hújjetlerine qosımshalar hám ózgerisler kirgiziw haqqında»ǵı hám «Banklerdegi amanatlardı qorǵaw kepillikleri haqqında»ǵı nızamlar usılardıń qatarına kiredi.
Gezektegi jalpı májiliste «Еkonomikalıq jınayatlarǵa qarsı gúresiw sistemasınıń jetilistiriliwi múnásibeti menen Ózbekstan Respublikasınıń ayırım nızam hújjetlerine ózgerisler hám qosımshalar kirgiziw haqqında»ǵı hám «Mámleketlik bajı haqqında»ǵı Ózbekstan Respublikası Nızamına qosımshalar hám ózgerisler kirgiziw haqqında»ǵı nızamlar da dodalanadı.
Sonday-aq, senatorlar janlı atqarıw kórkem ónerin jáne de rawajlandırıw, jas óspirimler arasında huqıqbuzarlıqlar profilaktikası sistemasın jetilistiriw, shaxstıń huqıq hám erkinliklerin isenimli qorǵaw kepilliklerin jáne de kúsheytiw sonday-aq, alkogol hám temeki bazarın tártipke salıw sistemasın jetilistiriwge qaratılǵan bir qatar nızamlardı da kórip shıǵıwdı rejelestirmekte.
Bunnan tısqarı, «Еkologiyalıq ekspertiza, qorshaǵan ortalıqqa tásirdi bahalaw hám strategiyalıq ekologiyalıq bahalaw haqqında»ǵı, «Ózbekstan Respublikasınıń Miynet kodeksine ózgerisler hám qosımshalar kirgiziw haqqında»ǵı, Ózbekstan Respublikasınıń «Ózbekstan Respublikasında xızmet kórsetken ekolog» húrmetli ataǵın shólkemlestiriw haqqında»ǵı, «Ózbekstan Respublikasınıń ayırım nızam hújjetlerine ózgerisler hám qosımshalar kirgiziw haqqında»ǵı hám «Ózbekstan Respublikası puqaraların, sırt el puqaraların hám puqaralıǵı bolmaǵan shaxslardı jasaw ornı hám turǵan ornı boyınsha dizimnen ótkeriw haqqında»ǵı nızamlar da jalpı májilis kún tártibinen orın alǵan.
Sonıń menen birge «Ózbekstan Respublikası menen Tájikstan Respublikası arasında awqamlaslıq qatnasıqları haqqındaǵı Shártnamanı (Dushanbe, 2024-jıl 18-aprel) ratifikaciyalaw haqqında»ǵı, «Íssıxana gazleriniń shıǵarılıwın sheklew haqqında»ǵı nızamlar hám Oliy Majlis Senatı Kengashiniń qararların tastıyıqlaw haqqındaǵı másele de kórip shıǵıladı.

ÓzA