Futbol boyınsha Ózbekstan saylandı komandasınıń aǵzası Abduqodir Husanov Angliyaniń «Manchester Siti» klubı menen shártnamaǵa qol qoydı. Bul haqqında «Meta-ratings.kz» saytı xabar berdi.

Sayttıń málim etiwinshe, shártnamanı tastıyıqlaw máresimine «Manchester Siti» klubınıń bas treneri Xosep Gvardiolanıń jeke ózi qatnasqan.
16-yanvar kúni Manchester qalasına jetip barǵan Husanov ol jerde medicinalıq tekseriwden ótken hám Angliya chempionı menen 4,5 jıllıq shártnamaǵa qol qoyǵan.
«Manchester Siti» klubında Abduqodir ózine 45-nomerdi tańlaǵan hám Angliya Premer ligasında oynaytuǵın birinshi ózbek futbolshısına aylanadı.

Adilbay Orazov,
Qaraqalpaqstan xabar agentligi sholıwshısı