«Instagram» basshısı Adam Mosseri 2025-jıl 18-yanvardan qanday ózgerisler júz beretuǵını haqqında málim etti.

Paydalanıwshılar 90 sekundtı júdá qısqa dep esaplay basladı. Sol sebepli endigiden bılay «reels» ler ushın maksimal shegara bolǵan 90 sekund eki esege arttırıladı. Limit 2022-jıldan berli ózgermey kiyatırǵanlıǵın atap ótiwimiz kerek.
Bul «Instagram»ushın úlken burılıs bolıwı múmkin, sebebi, ol usı waqıtqa shekem óz auditoriyasın uzın videolardı kóp tamasha etpeydi dep esaplap, óziniń «qısqa usılı»n saqlap kelgen.
Qızıǵı sonda, bul ózgeris «TikTok»tıń AQShta shekleniwi fonında júz bergen. Bul formattaǵı videolar «TikTok»ta 2021-jılda payda bolǵan hám jaqsı nátiyje berip kiyatırǵan edi.
Qıtay sociallıq tarmaǵı bir múddet mámleket aymaǵında islemey qalıp, qosımsha dúkanlarınan da joq bolıp ketkeni ras. Biraq Donald Tramptıń aralasıwı menen xızmet qayta tiklengen, hátteki, platforma menen birgelikte birgeliktegi joybarlaw da rejelestirmekte- dep málimleme beredi, xs.uz saytı.

Qaraqalpaqstan xabar agentligi