Sud uyımlarınıń juwapkerleri tárepinen orınlarda puqaralardıń salıq, kadastr hújjetleri, járiymalar hám basqa da usı baǵdardaǵı máseleler boyınsha múrájatlerin tıńlaw, sheshim tabıw maqsetinde kóshpeli qabıllawları dawam etpekte.

Gezektegi usınday kóshpeli qabıllaw Jınayat isleri boyınsha Taqıyatas rayonı sudınıń tergew sudyası A.Davletov tárepinen rayondaǵı Doslıq mákan puqaralar jıyınında ótkerildi.
Onda fizikalıq hám yuridikalıq tárepler jaǵınan salıq esabatların óz waqtında salıq uyımlarına tapsırmaǵanlıǵı, nızamsız qurılıs qurǵanlıǵı hám jol háreketi qáwipsizligi xızmetkerleri tárepinen anıqlanǵan nızambuzıwshılıq jaǵdayları boyınsha keltirilgen shaǵım arzaları kórip shıǵıldı.
Qabıllawda jámi 9 múrájat bildirilip, sonnan besewi salıq, ekewi kadastr hám jáne ekewi transport quralların basqarıwdaǵı máselelerden ibarat boldı. Barlıq múrájat iyeleriniń máseleleri sol jerde hár tárepleme úyrenilip, tiyisli uyǵarıwlar shıǵarıldı.

Qaraqalpaqstan xabar agentligi.