«Ayrıqsha dári-dármaqlardı klinikalıq izertlewlersiz mámleketlik dizimnen ótkeriw tártibi haqqında»ǵı reje Ádillik ministrliginde mámleketlik dizimnen ótkerildi, dep xabar beredi xabar.uz.

Nızamǵa muwapıq, dári-dármaqlardıń klinikalıq izertlewlersiz mámleketlik dizimnen ótkeriw haqqındaǵı qarar «Farmacevtika ónimleri qáwipsizligi orayı» mámleketlik mákemeniń Farmakologiya komitetiniń usınısına muwapıq Densawlıqtı saqlaw ministrligi tárepinen shólkemlestirilgen turaqlı jumıs alıp baratuǵın Еkspertler keńesi tárepinen qabıl etiledi.
Dári-dármaqlardı klinikalıq izertlewlersiz mámleketlik dizimnen ótkeriw hám dizimnen ótkerilgenligi gúwalıǵın beriw Húkimet qararında belgilengen tártipke muwapıq ámelge asırıladı.
Tómendegi dári-dármaqlar klinikalıq izertlewlersiz mámleketlik dizimnen ótkeriledi, sonıń ishinde:
– «Zárúr óndiris ámeliyatı – GMP» talaplarına muwapıq ekenligi boyınsha úyreniwler ótkeriw talap etilmeytuǵın dári-dármaqlar dizimine kirgizilgen dári-dármaqlar;
– jergilikli islep shıǵarıwshılar tárepinen dizimnen ótkeriw ushın usınıs etilgen qáwipsizligi hám nátiyjeliligi referens preparattan qalıspawı klinikalıq aldı izertlewlerinde dálillengen jenerikalıq dári-dármaqlar hám galen preparatları;
– bir islep shıǵarıwshı tárepinen túrli sawda atamaları astında islep shıǵılǵan, quramı birdey bolǵan dári-dármaqlar.

Qaraqalpaqstan xabar agentligi