13-17-yanvar kúnleri Qazaqstannıń Astana qalasında matematika, fizika hám informatika pánlerinen 21-Xalıqaralıq Jautikov Olimpiadası bolıp ótti.

Dúnyanıń 20 mámleketinen 700 ge shamalas oqıwshı qatnasqan bul olimpiadada Ózbekstan saylandı komandası úlken tabıslarǵa eristi.
Ózbek jasları 2 altın, 5 gúmis, 12 bronza – jámi 19 medaldı qolǵa kirgizdi.
Atap aytqanda, matematika páninen «Artel Technical School» mámleketlik emes bilimlendiriw mákemesiniń 11-klass oqıwshısı Asadbek Boboqulov hám Muhammed al-Xorezmiy atındaǵı qánigelestirilgen mekteptiń 10-klass oqıwshısı Еlbek Zahidjanov altın medalǵa miyasar boldı.
Mektepke shekemgi hám mektep bilimlendiriwi ministrligi málimleme xızmetiniń maǵlıwmatına qaraǵanda, Ózbekstan saylandı komandası ótken jılǵı 20-Xalıqaralıq Jautikov Olimpiadasında jámi 14 medalǵa sazawar bolǵan edi.

N.Usmanova,
ÓzA