Izrail hám HAMAS Qatar dáldalshılıǵında 2023-jıl oktyabrden beri dawam etip atırǵan Gaza sektorındaǵı urıstı toqtatıwǵa kelisip aldı. AQSh prezidenti Jo Bayden bul kelisimge ózi 2024-jıl may ayında usınıs etken rejege muwapıq erisilgenin atap ótti.

Reje úsh basqıshtı óz ishine aladı. ǴXQnıń xabar beriwinshe, birinshi basqısh altı hápte (42 kún) dawam etedi. Usı múddet ishinde Izrail áskerleri Gaza sektorınan basqıshpa-basqısh shıǵıp ketiwi, aymaqqa bolsa hár kúni gumanitarlıq járdem júklengen bir neshe júz júk mashinaları kirgiziliwi kerek boladı.
HAMAS bul múddet ishinde girewdegi 33 adamdı azat etedi. Izrail girewge alınǵanlardıń ulıwma sanın 94 adam dep bahalaǵan bolıp, olardan 34 adam qaytıs bolǵan bolıwı múmkin.
Ekinshi basqıshta Izrail hám HAMAS urıstı tolıq toqtatıw ushın ilajlardı dodalaydı. Bul basqısh altı hápte dawam etiwi kerek. Bul múddet ishinde kelisimge erisilmese, oq atıwdı toqtatıw múddeti sozıladı.
Sóylesiwlerdiń úshinshi basqıshında qalǵan girewge alınǵanlardı Izrailǵa qaytarıw hám Gaza sektorın qayta tiklew rejesi dodalanadı.

Qaraqalpaqstan xabar agentligi