Sud uyımlarınıń juwapkerleri tárepinen orınlarda puqaralardıń salıq, kadastr hújjetleri, járiymalar hám basqa da usı baǵdardaǵı máseleler boyınsha múrájatlerin tıńlaw, sheshim tabıw maqsetinde kóshpeli qabıllawlar shólkemlestirilmekte.

Jınayat isleri boyınsha Beruniy rayonlıq sudınıń tergew sudyası I.Allaniyazov tárepinen rayondaǵı Toqımashı mákan puqaralar jıyınında jasawshı puqaralardıń múrájatlerin úyreniw boyınsha kóshpeli qabıllaw ótkerildi.
Qabıllaw dawamında 18 puqara tárepinen yuridikalıq táreplerdiń salıq esabatların tapsırıw, sonday-aq, kadastr hújjetlerin rásmiylestiriwge baylanıslı múrájatleri kórip shıǵıldı.
Aymaq turǵınları tárepinen bildirilgen hár bir múrájat tiyisli tártipte úyrenilip, tiyisliligi boyınsha huqıqıy másláhátler berildi. Salıq hám kadastr uyımları tárepinen salınǵan járiymalardıń muǵdarın azaytıw boyınsha jazba túrde keltirilgen múrájat hám ótinishler tolıq qanaatlandırıldı.

Qaraqalpaqstan xabar agentligi.