Nókis qalasındaǵı «Doslıq úyi»nde Ózbekstan mámleketlik emes kommerciyalıq emes shólkemleri milliy Associaciyası Qaraqalpaqstan Respublikası aymaqlıq bólimi baslaması menen Respublika Ádillik ministrligi, Statistika hám Salıq basqarmaları menen birgelikte «Еlektron esabatlardı tapsırıwda mámleketlik emes kommerciyalıq emes shólkemlerdiń xabardarlıǵın arttırıw jolları» atamasında seminar-trening bolıp ótti.

Ilajǵa respublikamızda jumıs islep atırǵan mámleketlik emes kommerciyalıq emes shólkemlerdiń basshıları hám ǵalaba xabar qurallarınıń wákilleri qatnastı.
Seminar-treningti Ózbekstan mámleketlik emes kommerciyalıq emes shólkemleri milliy Associaciyası Qaraqalpaqstan Respublikası aymaqlıq bóliminiń baslıǵı Quwat Karimxojaev basqarıp bardı.
Onda Qaraqalpaqstan Respublikası Ádillik ministrliginiń sektor baslıǵı Abubakir Otarbaev, Statistika basqarması qánigesi Nawrızbek Baltabaevlar mámleketimizde elektron esabatlardı tapsırıw tártipleri hám múddetleri haqqında ilaj qatnasıwshılarına keń túrde túsinikler berdi.
Sonıń menen birge, esabatlardı óz múddetinde tapsırmaw tiyisli tártipte járiymalardıń salınıwına sebep bolatuǵınlıǵı qánigeler tárepinen atap ótildi.
Seminarda qatnasıwshılar tárepinen qánigelerge sorawlar berilip, olarǵa juwap aldı.

Adilbay Orazov,
Qaraqalpaqstan xabar agentligi sholıwshısı