Dúnya estelikler fondı (WMF) Aydı joq bolıp ketiw múmkin bolǵan mádeniy miyras obyektleriniń dizimine kirgizdi. Málim bolıwınsha, bolajaq kommerciyalıq reysler Jerdiń tábiyǵıy joldasına unamsız tásir etiwi múmkin.

The Guardiannıń jazıwınsha, Dúnya estelikler fondı ádette Jerdegi qorǵaw zárúr bolǵan obyektlerdi dizimge aladı. Bıyıl dizimge Ay menen birge, And tawlarındaǵı ispanlarǵa shekemgi jol sisteması, Túrkiyadaǵı Anakiya (Antioxiya), Yaponiyadaǵı jer silkiniwden jábir kórgen Noto yarım atawı hám basqalar – jámi 25 obyekt kirgizildi.
Dúnya estelikler fondı dizimindegilerdiń kópshiligi Ukraina hám Gazo sıyaqlı urıs bolıp atırǵan aymaqlarda jaylasqan yamasa klimat ózgerisleri sebepli qáwip astında qalǵan obyektler bolıp tabıladı.
Esletip ótemiz, 15-yanvar kúni SpaceX Ayǵa qonatuǵın eki kemeni ushırǵan edi.

Qaraqalpaqstan xabar agentligi