Onda sociallıq karta 2024-jıldıń dekabr ayınan baslap jańadan tayınlanǵan 9 túrdegi sociallıq tólemler alatuǵın adamlarǵa berilmekte.

Olar – 1) kem támiyinlengen shańaraqlarǵa balalar napaqası, 2) kem támiyinlengen shańaraqlarǵa materiallıq járdem, 3) jasqa baylanıslı napaqa, 4) mayıplıq napaqası, 5) jalǵız baslı kekseler hám mayıplıǵı bolǵan adamlar ushın hár aylıq materiallıq járdem, 6) mayıplıǵı bolǵan 18 jasqa shekemgi balalarǵa mayıplıq napaqası, 7) mayıplıǵı bolǵan balalardı baǵıp atırǵan analar ushın napaqa, 8) protez-ortopediya buyımları hám reabilitaciyalawdıń texnikalıq quralların satıp alıw ushın vaucher, 9) baǵıwshısın joyıtqanı ushın napaqası.
Bul adamlarǵa sociallıq kartalar biypul beriledi hám dáslep tólem quralı (bank kartası) funkciyasın atqaradı.
2025-jıl 1-aprelden baslap usı aymaqlar boyınsha jáne qosımsha 2 túrdegi sociallıq tólemler, jańa hámiledarlıq hám tuwıw napaqası jáne «Saqawat hám járdem», «Hayal-qızlar dápteri» hám «Jaslar dápteri» qorlarınıń esabınan toplanatuǵın bir mártelik materiallıq járdemler sociallıq karta arqalı tólep beriledi.
Sociallıq karta 2025-jıl 1-iyulden baslap basqıshpa-basqısh respublikanıń barlıq aymaqlarına engiziledi.

Qaraqalpaqstan xabar agentligi