Ózbekstan Sawda-sanaat palatası baslıǵı Davron Vahobov hám Egipet Arab Respublikasınıń mámleketimizdegi Ayrıqsha hám tolıq huqıqlı elshisi Tamer Fathi Abdussalom Hammad arasında ushırasıw bolıp ótti.

Sóylesiwler dawamında sawda, ekonomika, qarjı, sanaat tarawlarındaǵı birge islesiwdi keńeytiwge qaratılǵan áhmiyetli máseleler dodalandı.
Sonıń ishinde, tárepler zergerlik, toqımashılıq hám pal islep shıǵarıw boyınsha jańa joybarlardı ámelge asırıw perspektivası boyınsha pikir alıstı.
Házirgi kúnde elimizde Egipet kapitalınıń qatnasıwında 15 kárxana jumıs islemekte.
Fevral ayınıń ekinshi yarımında usı arab mámleketi isbilermen topar wákillerinen ibarat delegaciyanıń orayımızǵa saparı sheńberinde Ózbekstan –Egipet biznes forumı hám V2V usılında sóylesiw ótkeriw boyınsha tiyisli ilajlar belgilendi. Usı ánjumanda sırt el tárepinen sawda, ximiya, dóretiwshilik, qurılıs materialları, awıl xojalıǵı, densawlıqtı saqlaw, farmacevtika, konsalting, metallurgiya, logistika, elektrotexnika hám teri ónimleri baǵdarlarına qánigelesken jetekshi kárxanalardıń wákilleri qatnasıwı názerde tutılǵan.

ÓzA