“Ózbekstan – 2030” strategiyasın “Qorshaǵan ortalıqtı qorǵaw hám «jasıl» ekonomika jılı»nda ámelge asırıwǵa baylanıslı mámleketlik baǵdarlamanı dodalawǵa arnalǵan májilis ótkerildi.

Ilajda Qaraqalpaqstan Respublikası Joqarǵı Keńesiniń deputatları, Еkologiya, qorshaǵan ortalıqtı qorǵaw hám klimat ózgeriwi ministrligi, «Rawajlanıw» ulıwma milliy háreketi Qaraqalpaqstan Respublikası aymaqlıq bólimi, “Qaraqalpaq suw támiynatı” JShJ xızmetkerleri, partiya belsendileri qatnastı.
Atap ótilgenindey, “Ózbekstan – 2030” strategiyası mámlekettiń uzaq múddetli turaqlı rawajlanıwın támiyinlewge qaratılǵan baǵdarlama retinde áhmiyetke iye. Strategiyanıń tiykarǵı baǵdarlarınan biri qorshaǵan ortalıqtı qorǵaw hám jasıl ekonomikaǵa ótiw bolıp, 2025-jıl – «Qorshaǵan ortalıqtı qorǵaw hám «jasıl» ekonomika jılı», dep járiyalandı.
– Bul baslama, ekologiyalıq mashqalalardı sheshiw, resurslardan nátiyjeli paydalanıw hám qorshaǵan ortalıqtı qorǵaw wazıypaların alǵa qoymaqta. Jasıl ekonomikaǵa ótiw tek ekologiyalıq turaqlılıqtı támiyinlemeydi, al ekonomikanıń túrli tarmaqların rawajlandırıwǵa, jańa jumıs orınlarınıń jaratılıwına hám mámlekettiń global básekige shıdamlılıǵın arttırıwǵa da xızmet etedi,-deydi Ózbekstan Еkologiyalıq partiyası Qaraqalpaqstan Respublikası partiya shólkemi Keńesiniń baslıǵı A.Begimova.
Qatnasıwshılar baǵdarlama joybarı tuwralı pikir-usınısların bildirip, zárúr usınıslar tayarlaw boyınsha kelisip alındı.

Qaraqalpaqstan xabar agentligi.