Oraylıq bank xalıqtıń investiciya hám jıynaw imkaniyatların arttırıw jáne de arttırıw hám bahalı metallar aylanısın keńeytiw maqsetinde 17-yanvardan baslap 5, 10, 20, 50 grammlıq ólshewli altın quymalarǵa qosımsha túrde salmaǵı 100 gramm bolǵan altınnan tayarlanǵan ólshewli quymalardı kommerciyalıq bankler arqalı satıwǵa shıǵarmaqta.

Quymalar arnawlı qorǵanıw qaplarında satıw ushın usınıladı. Altın quymalardıń qapları sertifikat wazıypasın atqarıp óziniń seriya nomerine iye boladı. Qabı pútin altın quymalar satıw shaqapshalarında quyma iyesine tólemdi ámelge asırıw arqalı qaytarıp satıp alınadı.
Qabı buzılǵan yamasa texnikalıq talaplarǵa sáykes kelmeytuǵın altın quymalardı qaytarıp satıp alıw olardı texnikalıq ekspertizadan ótkeriw arqalı ámelge asırıladı hám ekspertiza ótkerilgennen soń tólep beriledi.
Qabı pútin jaǵdaydaǵı altın quymalardı Ózbekstan aymaǵınan sırtqa alıp shıǵıwǵa ruxsat etiledi.

Qaraqalpaqstan xabar agentligi