Korrupciyanıń aldın alıw – bul bir mártelik háreket emes, al úzliksiz process. Sonlıqtan, korrupciyanıń aldın alıwda onıń aqıbetlerin úgit-násiyatlap, túsindiriw jumısların alıp barıw oǵada áhmiyetli esaplanadı.

Usı maqsette Qaraqalpaqstan Respublikası Ministrler Keńesiniń Korrupciyaǵa qarsı ishki qadaǵalaw bóliminiń baslıǵı Batır Matmuratov Kegeyli rayonında májilis ótkerdi.
Májiliske rayon hákiminiń orınbasarları, mákeme, kárxana hám shólkem basshıları hám ǵalaba xabar qurallarınıń wákilleri qatnastı.
Onda korrupciyanıń ashınarlı aqıbetleri, onıń jámiyet hám keleshekke bolǵan unamsız tásirleri haqqında keń sóz etilip, mısallar tiykarında maǵlıwmatlar berdi.
Májiliste ilaj qatnasıwshıları tárepinen bayanatshılarǵa sorawlar berilip, olarǵa juwap aldı.

Adilbay Orazov,
Qaraqalpaqstan xabar agentligi sholıwshısı