Voleybol boyınsha respublikamız qızlar saylandı komandası «Universiada-2025» sport jarıslarınıń respublikalıq final basqıshın jeńis penen basladı.

Buxara qalasında usı sport jarıslarınıń voleybol sport túri boyınsha respublikalıq final basqıshı bolıp ótpekte.
Jarısqa Qaraqalpaqstan Respublikası, Tashkent qalası hám barlıq wálayatlardıń saylandı komandaları qatnaspaqta.
Keshe Qaraqalpaqstan Respublikası qızlar saylandı komandası Tashkent wálayatı saylandı komandası menen ushırasıp, óz qarsılasların 25:14 hám 25:17 esabında jeńip shıǵıwǵa miyasar boldı.
Tiykarınan Berdaq atındaǵı Qaraqalpaq mámleketlik universiteti hám Ájiniyaz atındaǵı Nókis mámleketlik pedagogikalıq institutınıń student-qızlarınan dúzilgen respublikamızdıń qızlar saylandı komandası búgin Ferǵana wálayatı saylandı komandasına qarsı oyın ótkeredi.

Adilbay Orazov,
Qaraqalpaqstan xabar agentligi sholıwshısı