Nókis qalasında Qaraqalpaqstan Respublikası Joqarǵı Keńesiniń komitet baslıǵı Murat Atamuratovtıń basshılıǵında turizm, mádeniy miyras hám mádeniyat tarawlarında 2024-jılda ámelge asırılǵan jumıslar hám usı jılda isleniwi tiyis áhmiyetli wazıypalarǵa arnalǵan keńeytilgen májilis ótkerildi.

Májiliske taraw basshıları hám xızmetkerleri, mámleketlik teatr-koncert shólkemleri, qalalıq hám rayonlıq mádeniyat bólimleri menen birge oqıw orınlarınıń basshıları qatnastı.
Ilajda turizm, mádeniy miyras hám mádeniyat tarawlarında 2024-jılda ámelge asırılǵan jumıslar , ózgeris hám jańalanıwlar, qolǵa kirgizilgen tabıslar menen birge, jol qoyılǵan qáte-kemshilikler sın kózqarasta keń túrde dodalandı.
Atap aytqanda, xalıqqa tólemli xızmet kórsetiw dárejesin rawajlandırıw, qalalıq hám rayonlıq mádeniyat bólimleri tárepinen mádeniy dem alıw baǵlarında shártnama tiykarında mádeniy ilajlardı ótkeriwdiń talap dárejesinde emesligi, ayırım basshı hám juwapker xızmetkerlerdiń bul máselelerge nemquraydılıq penen qarap kiyatırǵanı keskin túrde aytıp ótildi.
Májilis sońında kún tártibindegi basqa da máseleler kórip shıǵılıp, aldaǵı waqıtları ámelge asırılıwı tiyis wazıypalar belgilep alındı.

Qaraqalpaqstan xabar agentligi