Xalıqtıń densawlıǵın bekkemlew mámleketimiz siyasatınıń áhmiyetli baǵdarlarınan biri. Ózbekstan Respublikası Prezidentiniń 2024-jıl 18-dekabrdegi 443-sanlı qararına muwapıq, respublikamız boylap hár hápteniń piyshembi kúni «dene tárbiya hám sport kúni» dep belgilengen bolıp, usı tiykarda 30 jastan ótken xalıqtı ǵalabalıq sport ilajlarına qamtıp alıw maqsetinde Ámiwdárya rayonında bir qatar ámeliy jumıslar islenbekte.
Máhállelerde Sport mektebi menen birgelikte máhálle nuranıyları, xalıq wákilleri arasında azanǵı denetárbiya, stol tennisi hám basqa da sport túrleri menen shuǵıllanıw boyınsha sport ilajları shólkemlestirildi.
Hár hápteniń piyshembi kúni ótkeriletuǵın bul sport ilajları tiyisli mákeme hám shólkemler menen birgelikte alıp barılmaqta.
Ámiwdárya rayonı boylap sport ilajları dawam etpekte.
Qaraqalpaqstan xabar agentligi