Futbol boyınsha 2026-jılı ótkeriletuǵın jáhán chempionatınıń tańlap alıw basqıshına tabıslı qatnasıp, kelesi turlarǵa tayarlıq kórip atırǵan Ózbekstan milliy saylandı komandası 20—31-yanvar kúnleri Qatarda óziniń gezektegi oqıw-shınıǵıwların ótkeredi.
Oqıw-shınıǵıwlar dawamında Srechko Katanec basshılıǵındaǵı saylandı komandamız Iordaniyaǵa qarsı joldaslıq oyının ótkeredi.
Sońǵı maǵlıwmatlarǵa qaraǵanda, Ózbekstan hám Iordaniya milliy saylandı komandaları arasındaǵı oyın 27-yanvar kúni Tashkent waqtı menen saat 22:00de «Abdulloh bin Xalifa» stadionında bolıp ótedi.

Adilbay Orazov,
Qaraqalpaqstan xabar agentligi sholıwshısı