Qaraqalpaqstan Respublikası Joqarǵı Keńesiniń baslaması menen Xalıq deputatları rayonlıq, qalalıq Keӊesleri deputatlarına oqıw-seminar ótkeriw belgilengen edi.

Usı tiykarda Qaraózek rayonı hákimliginiӊ májilisler zalında rayonlıq Keńeske saylanǵan deputatlar ushın oqıw-seminarı shólkemlestirildi.
Seminarǵa Qaraqalpaqstan Respublikası Joqarǵı Keӊesiniń komitet baslıǵı Sh. Ótemisov, Joqarǵı Keӊes deputatı U. Jalmenov hám siyasiy partiyalardıń Qaraqalpaqstan Respublikalıq Keńesleri baslıqları qatnastı.
Seminarda bayanatshılar tárepinen deputat jumısınıń nızamlılıq tiykarları, saylawshılardıń múrájatları menen islesiwde olardıń atqaratuǵın xızmeti hám juwapkershiligin arttırıw máseleleri kórip shıǵıldı. Sonday-aq, ilajda deputatlardıń saylanǵan okrugi aymaǵındaǵı mashqalalar, mámleketlik baǵdarlamalardıӊ tiyisli mámleketlik uyımlar tárepinen orınlanıwı ústinen qadaǵalaw, máhálle belsendileri menen islesiwdi ele de kúsheytiw baǵdarındaǵı wazıypalar boyınsha pikir alısıldı.
Usı mazmundaǵı seminarlar respublikamızdıń basqa aymaqlarında da bolıp ótpekte.

Adilbay Orazov,
Qaraqalpaqstan xabar agentligi sholıwshısı