Qubla Koreya tergewshileri ekinshi urınısta prezident Yun Sok Yoldı qamaqqa aldı, dep xabar bermekte VVS.
12 kún burın bolǵanı sıyaqlı bul rette de húkimetten shetletilgen prezident rezidenciyasındaǵı kóp saatlıq qarama-qarsılıqtan keyin, tergewshiler onı Korrupciyanı tergew byurosına alıp bardı.
Yun sál burın videomúrájat etip, qamaqqa alınıwı nızamsız esaplanatuǵının, biraq qan tógiliwniń aldın alıw ushın tergewshiler hám policiyaǵa boysınıwǵa qarar etkenin aytqan.
2024-jıl dekabr ayınıń basında Qubla Koreya prezidentiniń elde áskeriy jaǵday járiyalawǵa urınıwı sátsizlikke ushıraǵan, bunnan soń parlament onı kóterilis shólkemlestiriwde ayıplap, mámleket basshısına impichment járiyalaǵan edi.
Yun Prezidentlik wazıypasın orınlawdan 14-dekabrde (parlament impichmentke dawıs bergennen soń) shetletildi, biraq onı lawazımınan alıw ushın impichmentti Konstituciyalıq sud ta tastıyıqlawı shárt. Sudtıń qararı shıqpasa, Yun Sok Yol rásmiy túrde prezident bolıp qala beredi.

Qaraqalpaqstan xabar agentligi