Nókis rayonı 15-sanlı balalar muzıka hám kórkem óner mektebinde 14-yanvar – Watan qorǵawshıları kúni hám Qurallı Kúshlerimizdiń dúzilgenine 33 jıl tolıwı múnásibeti menen bayram ilajı ótkerildi.

Bayram keshesinde rayon hákimi Z.Zaytov shıǵıp sóylep, áskeriy taraw xızmetkerlerin, veteranlar hám bayram qatnasıwshıların sáne múnásibeti menen qızǵın qutlıqladı.
Mámleketimizde Prezidentimiz tárepinen insan qádirin ulıǵlaw, Qurallı Kúshlerdi bekkemlew, xalqımızdıń tınıshlıǵı hám qáwipsizligin, mámleketimiz shegaralarına qol qatılmaslıǵın támiyinlew, sonıӊ menen birge, taktikalıq hám strategiyalıq wazıypalardı nátiyjeli sheshiwge ılayıq bolǵan, zamanagóy, hár tárepleme jaqsı qurallanǵan milliy armiyanı jáne de jetilistiriw boyınsha salmaqlı jumıslar alıp barılıp atırǵanlıǵın atap ótti.
Bunnan soń, 71181-sanlı áskeriy bóliminiń oficer hám serjantları, rayonlıq Qorǵanıw bólimi xızmetkerlerine rayon hákimligi tárepinen estelik sawǵalari tapsırıldı.
Ilaj rayonlıq mádeniyat bólimi tárepinen tayarlanǵan koncert baǵdarlaması menen dawam etti.

Qaraqalpaqstan xabar agentligi