Mámleket bas bajıxanası járiyalaǵan maǵlıwmatlarǵa qaraǵanda, Qıtay 2024-jıldıń aqırına shekem neft importın 1,9 procent qısqartıp, sırttan alınıp atırǵan tábiyǵıy gaz muǵdarın bolsa 9,9 procentke kóbeytken.

Ótken jılı QXRǵa sırttan 553.415 million tonna shiyki neft kirgen, baha kesiminde bul qun 324.798 milliard dollarǵa teń. Bul 2023-jılǵa salıstırǵanda 3,9 procentke az. Tábiyǵıy gaz importı 131.69 million tonna yamasa 65,164 milliard dollardı quraydı. Baha kesiminde bul kórsetkish 1,2 procent ósimdi kórsetedi.
Kómir importı 542,69 million tonnaǵa jetip, 14,4 procentke arttı hám pul kórinisinde 52.098 milliard dollarǵa tústi (1,8 procent tómenlew).
2023-jıldıń aqırında neft importı 11 procentke kóbeyip, 564 million tonnanı, sırt elden gaz satıp alıw 119,97 million tonnanı, kómir importı bolsa 474.41 million tonnanı (ósim 61,8 procent) quraǵan edi.

Qaraqalpaqstan xabar agentligi