2025-jıl 11-yanvarda mámleketimiz basshısınıń «Ózbekstan Respublikası Prezidentiniń ayırım hújjetlerine ózgeris hám qosımshalar kirgiziw haqqında»ǵı pármanı qabıl etildi.
Oǵan bola, balalardı salamatlandırıw hám halıqtıń salamatlıǵın tiklewge járdemlesiw qorına 2025- 2026-jılları ajıratılıwı názerde tutılǵan qarjınıń bir bólegin 2023-jıl jaz máwsiminde dem alǵan balalardıń jollama qárejetlerin hám 2024-jılı jaz máwsiminde 59 dem alıw orınların tayarlaw maqsetinde alıp barılǵan ońlaw jumısları boyınsha júzege kelgen qarızdarlıqtı qaplaw ushın baǵdarlawǵa ruqsat berildi.
Shańaraq hám hayal-qızlar komitetiniń boysınıwı Kámbaǵallıqtı qısqartıw hám bántlik ministrliginen Ministrler Kabinetine ótkerilgenligi múnásibeti menen nızamshılıq hújjetleri óz-ara muwapıqlastırıladı.
Bunnan tısqarı, «Balalardı salamatlandırıw dem alıw orınlarına jollama alıw málimleme sisteması» «PHAJdıń birden-bir elektron arxivi» málimleme sisteması menen integraciyalanadı.
Onda, jollama satıp alıw procesinde Balalar salamatlandırıw dem alıw orınlarına jollama alıw málimleme sitstemasına balalardıń tuwılǵanlıǵı haqqındaǵı gúwalıǵınıń maǵlıwmatları kirgizilgende sol balanıń tolıq atı menen, jınısı, tuwılǵan sánesi, ay hám jılı haqqındaǵı maǵlıwmatlar avtomat túrde qáliplesedi.
ÓzA