Ózbekstan Respublikası Prezidenti Shavkat Mirziyoev Birlesken Arab Ámirlikleri Prezidenti Shayx Muhammad Ol Nahayannıń mirát etiwine bola 13-yanvar kúni rásmiy sapar menen usı mámleketke keldi.
Abu-Dabi xalıqaralıq aeroportında mámleketimiz basshısın Birlesken Arab Ámirlikleri vice-prezidenti Shayx Mansur Ol Nahayan hám basqa da rásmiy adamlar kútip aldı.
Joqarı mártebeli miymannıń húrmetine húrmetli qarawıl sap tarttı, eki eldiń mámleketlik bayraqları kóterildi.
Sapardıń baǵdarlamasına muwapıq 14-yanvar kúni Ózbekstan Respublikası Prezidenti «Abu-Dabi turaqlı rawajlanıw hápteligi» xalıqaralıq sammitine qatnasadı.
BAÁniń jetekshi shólkemleri, kompaniya hám bankleriniń basshıları menen ushırasıw da rejelestirligen.
15-yanvar kúni joqarı dárejedegi sóylesiwler bolıp ótedi.
ÓzA