Ózbekstan Respublikası investiciyalar, sanaat hám sawda ministri Laziz Qudratov Birlesken Arab Ámirliklerinde mámleketlik rásmiyler hám iri kompaniyalardıń basshıları menen ushırasıwlar ótkermekte.

Sóylesiwlerde energetika, infrastruktura, jasalma intellekt tarawlarında birge islesiwdi rawajlandırıw, birgeliktegi investiciyalıq joybarlar toplamın bayıtıw imkaniyatı hám eki tárepleme qatnasıqtı bekkemlewge baylanıslı basqa máseleler kórip shıǵılmaqta.
Máselen, transport-logistika, málimleme texnologiyaları, awıl xojalıǵı, azıq-awqat ónimlerin islep shıǵarıw, infrastruktura baǵdarlarındaǵı bir qatar kompaniyalardıń basshıları menen sóylesiw waqtında baylanıslardı keńeytiwge kelisip alındı. Mámleketlik-jeke menshik sheriklik principi tiykarında bir qatar jańa perspektivalı joybarlardı ámelge asırıw imkaniyatı dodalandı.

Muharrama Pirmatova, ÓzA