Ózbekstan Respublikası Qurallı Kúshleri dúzilgeniniń 33 jıllıǵı hám 14-yanvar – Watan qorǵawshıları kúni múnásibeti menen Taxtakópir rayonında óziniń azamatlıq wazıypasın ótep atırǵan múddetli áskerler menen jaqınları arasında videobaylanıs ilajı shólkemlestirildi.
Ilajda sózge shıqqanlar tárepinen áskeriy xızmetti ótew hár bir el azamatı ushın tek ǵana ullı wazıypa emes, al, sadıqlıq hám mártlik mektebine aylanǵanlıǵın atap ótip, qatnasıwshılardı bayram menen qutlıqladı.
Videobaylanıs arqalı áskerler ózleriniń xızmet orınları, áskeriy bólimdegi turmısı hám jaratılǵan sharayatlar haqqında óz jaqınlarına aytıp berdi.
Ilaj dawamında Armiyada óz qatarlarına órnek bolıp kiyatırǵan áskerlerdiń ata-analarına áskeriy bólim tárepinen arnawlı minnetdarshılıq xatı saltanatlı jaǵdayda tapsırıldı.
Adilbay Orazov,
Qaraqalpaqstan xabar agentligi sholıwshısı