Qaraqalpaqstan Respublikası Joqarǵı Keńesi hám Ministrler Keńesi baslaması menen 2023-jılı shólkemlestirilgen «Jayhun» professional futbol klubı 2025-jılǵı futbol máwsimin Pro-Ligada ótkeretuǵın boldı,-dep jazadı Qaraqalpaqstan futbol associaciyasınıń málimleme xızmeti.

Sonı aytıp ótiwimiz kerek, «Jayhun» 2023-jılı Ózbekstan Birinshi Ligasında 9-orındı iyelegen bolsa, 2024-jılı Batıs aymaqta «Nasaf farm» komandasınan keyin ekinshi boldı hám Tashkent qalasında ótkerilgen pley-off basqıshında qatnastı.
Ótken eki máwsim dawamında «Jayhun» da finanslıq mashqalalar baqlanbaǵan.
Klub házirgi kúnge shekem Qaraqalpaqstan Respublikası Joqarǵı Keńesi hámde Ministrler Keńesi tárepinen hár tárepleme qollap-quwatlanıp kelinbekte.
Eń tiykarǵısı, futbol jankúyerlerimiz bıyılǵı jılı Ózbekstan Pro-Ligasında eki komandaǵa, yaǵnıy, «Aral» hám «Jayhun» klublarına ıshqıpazlıq etedi.

Adilbay Orazov,
Qaraqalpaqstan xabar agentligi sholıwshısı