Ózbekstan elshixanası trepinen jańa máwsimde Britaniya awıl xojalıǵı tarawına ózbekstanlı miynet migrantların tartıw maqsetinde «Pro-Force Limited» hám «HOPS Labour Solutions Ltd» rekruting agentlikleriniń wákilleri menen sóylesiwler ótkerildi.

«Dunyo» MAnıń málim etiwinshe, sóylesiwler nátiyjesinde bıyılǵı jıldıń fevral ayında «Pro-Force Limited» agentliginiń Tashkentke saparın shólkemlestiriw hám 3 mıńǵa shamalas saylap alınǵan talabanlardı basqıshpa-basqısh túrde Ullı Britaniyada jumıs penen támiyinlew boyınsha kelisimlerge erisilgen.
Sonday-aq, «HOPS Labour Solutions Ltd» kompaniyası Migraciya agentligi menen birgelikte 14.15-yanvar kúnleri ózbekstanlı miynet migrantları ushın onlayn tárizde test sınaqların shólkemlestiriwge kelisip alındı.

Qaraqalpaqstan xabar agentligi